ഡോ. താരിഖ് സുവൈദാന്‍

Jun 16 - 2012
Quick Info

മുഴുവന്‍ നാമം : ഡോ. താരിഖ് മുഹമ്മദ് സുവൈദന്‍
ജനനം : 1953 നവംബര്‍ 15 ,
രാജ്യം : കുവൈത്ത്
സംഘടന : ഇഖ്‌വാനുല്‍ മുസ്‌ലിമൂന്‍, കുവൈത്ത്
വെബ്‌സൈറ്റ്‌ : www.suwaidan.com

Best Known for

ആധുനിക കാലത്തെ ഇസ്‌ലാമിക ചരിത്ര ഗവേഷകനും ഗ്രന്ഥകര്‍ത്താവും. ഡോക്യുമെന്ററി സംവിധായകനും ചാനല്‍ ഡയറക്ടറും. ഫലസ്തീന്‍: സമ്പൂര്‍ണ്ണ ചരിത്രം ശ്രദ്ധേയമായ കൃതി.

1953-ല്‍ കുവൈത്തില്‍ ജനിച്ചു. അമേരിക്കയിലെ പെല്‍സില്‍വാനിയ സര്‍വകലാശാലയില്‍നിന്ന് പെട്രോളിയം എഞ്ചിനീയറിങ്ങില്‍ ബിരുദവും ഓക്‌ലഹോമയിലെ തെല്‍സാ യൂനിവേഴ്‌സിറ്റിയില്‍നിന്ന് മാസ്റ്റര്‍ ബിരുദവും ഡോക്ടറേറ്റും നേടി. കുവൈത്തിലെ എണ്ണ മന്ത്രാലയത്തിന് കീഴില്‍ ഇന്‍സ്‌പെക്ടറായും, ടെക്‌നിക്കല്‍ എജൂക്കേഷന്‍ കോളേജില്‍ അസി. പ്രൊഫസറായും അമേരിക്കയിലെയും മലേഷ്യയിലെയും ചില കമ്പനികളില്‍ ഡയറക്ടര്‍ ബോര്‍ഡംഗമായും സേവനമനുഷ്ഠിച്ചു. 1992 മുതല്‍ കുവൈത്തിലെ അല്‍ ഇബ്ദാഅ് ഗ്രൂപ്പിന്റെ തലവനാണ്. മാനേജ്‌മെന്റ് വിദഗ്ധന്‍ കൂടിയായ ഡോക്ടര്‍ സുവൈദാന്‍ തത്സംബന്ധമായ ധാരാളം പുസ്തകങ്ങളും ഓഡിയോ വീഡിയോ പ്രോഗ്രാമുകളും പ്രസിദ്ധീകരിച്ചിട്ടുണ്ട്. ഇസ്‌ലാമിക ചരിത്രവുമായി ബന്ധപ്പെട്ട 20-ല്‍ പരം ദൃശ്യ-ശ്രാവ്യ പരിപാടികള്‍ പുറത്തിറക്കിയിട്ടുണ്ട്. ഇസ്‌ലാമിക ചരിത്രവുമായി ബന്ധപ്പെട്ട് അനേകം ദൃശ്യ ശ്രാവ്യ പരിപാടികളുടെ നിര്‍മ്മാതാവാണ്. കുവൈത്തിലെ അറബ് സാറ്റ് ടിവി ചാനലായ അല്‍ ഇസ്‌ലാഹിന്റെ ഡയറക്ടറാണ്. കൂടാതെ മിഡില്‍ ഈസ്റ്റിലെ ശ്രദ്ധേയമായ ചാനലുകളിലെല്ലാം അദ്ദേഹത്തിന്റെ പരിപാടികള്‍ക്ക് വന്‍ സ്വീകാര്യകയാണ്. ഫലസ്തീന്‍ ജനതക്ക് വേണ്ടിയുള്ള പോരാട്ടത്തില്‍ ധൈഷണികമായി സംഭാവനകളര്‍പ്പിക്കുന്ന ഇസ്‌ലാമിക പണ്ഡിതന്‍ കൂടിയാണിദ്ദേഹം.